Policia e Kosovës ka njoftuar se ka nisur hetimet lidhur me vdekjen e një gruaje në Gjakovë, rast që dyshohet të lidhet me trajtim të pandërgjegjshëm mjekësor.

Sipas raportit 24-orësh të Policisë, rasti është raportuar të premten në orët e mëngjesit, në rrugën “Dëshmorët e Lirisë” në Gjakovë.

Personi me të cilin viktima kishte bashkëjetuar ka njoftuar policinë për vdekjen e saj dhe ka shprehur dyshime se gruaja mund të ketë marrë trajtim të pakujdesshëm mjekësor.

“Rr. Dëshmorët e Lirisë, Gjakovë 28.11.2025-09:20. Ankuesi mashkull kosovar, ka raportuar se ka ndërruar jetë viktima femër kosovare me të cilën ka bashkëjetuar, i njëjti dyshon se ka pasur trajtim të ndërgjegjshëm mjekësor. Me vendim të prokurorit, trupi i pa jetë dërgohet në IML për obduksion”, thuhet në njoftim./Arbresh.info